%202.png)
.png)
IMEWEKWA AGOSTI 19, 2013 SAA 4:50 USIKU
NYOTA wa Arsenal, Alex Oxlade-Chamberlain alitarajiwa kufanyiwa vipimo leo huku klabu yake ikisikilizia maumivu yake goti.
Kiungo huyo mwenye kipaji Jumamosi aliondolewa kwenye kikosi cha klabu yake kilichopigwa 3-1 nyumbani na Aston Villa na anatarajiwa kuwa nje kwa muda zaidi.
Kikosi cha Arsene Wenger kesho mchana kitasafiri kwenda Istanbul kwa ajili ya mechi ya Ligi ya Mabingwa Ulaya dhidi ya Fenerbahce, lakini wakati Oxlade-Chamberlain hatakuwamo, inafahamika Bacary Sagna anayesumbuliwa na maumivu ya shindo yuko pia shakani kucheza.
Majanga: Kukosekana kwa Alex Oxlade-Chamberlain linaweza kuwa tatizo kubwa kwa Arsenal
Atarudi? Kuna nafasi ya Bacary Sagna kucheza, wakati Kieran Gibbs anatarajiwa kuwa fiti.
Arsenal pia inaamini kwamba Kieran Gibbs, ambaye alipasuka kichwani katika mchezo dhidi ya Villa,Tomas Rosicky aliyeumia goti na Aaron Ramsey anayesumbuliwa na maumivu ya kifundo cha mguu watakuwa fiti kwa ajili ya mechi hiyo ijayo.
