%202.png)
.png)
IMEWEKWA AGOSTI 1, 2013 SAA 7: 00 USIKU
KLABU ya Bayern Munich imeifunga Sao Paulo mabao 2-0 katika michuano yao ya Kombe la Audi Cup na kuungana na Manchester City katika fainali itakayopigwa Uwanja wa Allianz Arena.
Sasa kocha Pep Guardiola anajiandaa kukabiliana na timu yenye safu kali ya ushambuliaji, City ambayo mapema iliikung'uta AC Milan 5-3 katika mchezo wa kwanza.
Mabao yote Bayern yalipatikana kipindi cha pili, wafungaji Mario Mandzukic na kinda Mitchell Weiser ingawa na wageni walipata nafasi ya kufunga baadaye, lakini kipa Rogerio Ceni akakosa penalti. Thiago Alcantara aliachwa nje na kocha Guardiola.
Wafungaji wa mabao: Mario Mandzukic (juu) na Mitchell Weiser (chini) wakipongezana
Katika mchezo ambao walifungwa mabao 4-2 na Dortmund kuwania Super Cup ya Ujerumani, Thiago, ambaye alikuwa anawaniwa na Manchester United majira haya ya joto, alipigwa kibao na Guardiola.
