MAN UNITED YA MOYES YAFUNGULIA MBWA...YAUA 5-0

IMEWEKWA JULAI 20, 2013 SAA 5:35 USIKU
MICHEZO ya kujiandaa na msimu, wakati yote yamesemwa na yamefanyika, inatumika kutengeneza fedha na kuimarisha timu. 

Pamoja na hayo, inaweza kuwasaidia kuwajengea kujiamini pia, mfano Danny Welbeck atakwenda Japan na Manchester United wiki hii akiwa katika hali nzuri kimchezo.

Kocha wa United, David Moyes amesema mjini Sydney kwamba anafikiri anahitaji kuketi chini na Welbeck katika hoteli ya timu wiki hii na kuzungumza naye kinda huyo wa kimataifa wa England mambo muhimu anapokuwa mbele ya lango. 

Danny Welbeck amefunga mabao mawili leo

Jesse Lingard amefunga mabao mawili pia 

Akiwa amefunga mabao mawili tu msimu uliopita mambo yanaelekea kubadilika sasa.

Kwenye Uwanja wa ANZ leo, Welbeck alifanya vitu adimu, akifunga mabao mawili katika dakika za 34 na 71 na kuwa mwiba mchungu kwa walinzi wa A-League All Stars kwa dakika zote 70 alizokuwa uwanjani.
Mabao mengine ya Mashetani hao Wekundu yalifungwa na Jesse Lingard mawili pia dakika za 11 na 55, mshambuliaji tegemeo zaidi wa timu, Robin Van Persie dakika ya 87.

Bao la kufutia machozi la wenyeji lilifungwa na Berisha dakika ya 52.

Kikosi cha Man Utd kilikuwa: Lindegaard, Rafael, Ferdinand/Keane dk46, Jones, Evra, Zaha, Carrick/Anderson dk71, Cleverley, Lingard, Giggs/Van Persie dk62 na Welbeck/Januzaj dk71.
All Stars: Covic, Bojic, Beauchamp, Boogaard, Topor-Stanley, Rose, McGlinchey/Grant dk62, Emerton/Carrusca dk84, Miller, Broich na Berisha.

Kocha mpya, David Moyes ameshangilia ushindi wake wa kwanza tangu aanze kazi

Besart Berisha akishangilia bao lake lililofanya mchezo uwe 2-1

Lingard akipongezwa na wenzake baada ya kufunga bao zuri la pili

Robin Van Persie alifunga la tano dakika za lala salama

 

Nahodha wa United, Patrice Evra akiondosha mpira hatarini kwa kichwa 

Wilfried Zaha pia alivutia United

Mashabiki 80,000 walikuwa uwanjani leo

Ryan Giggs akipambana na Nikolai Topor-Stanley

Thomas Broich akipiga shuti 

Saturday, July 20, 2013