KIMEELEWEKA, NEGREDO SASA RASMI NI MCHEZAJI MPYA WA MAN CITY NA AMEKWISHAWASILI KAZINI NA KUKAMILISHA HADI VIPIMO

IMEWEKWA JULAI 18, 2013 SAA 5:54 USIKU

KLABU ya Manchester City imekamilisha uhamisho wa Pauni Milioni 20.6 wa Alvaro Negredo kutoka Sevilla na mshambuliaji huyo Hispania amewasili katika hospitali ya Bridgewater leo jioni kwa ajili ya vipimo.

Negredo, mwenye umri wa miaka 27, amekubali Mkataba wa miaka minne kwa mshahara wa Pauni 75,000 kwa wiki na anatarajiwa kuunga na City katika ziara ya kujiandaa na msimu Hong Kong mapema wiki ijayo.

Klabu hizo bili zimekuwa zikivutana juu ya ada kwa muda na Sevilla ilisema bei ya mchezaji huyo ilipanda kutoka Pauni Milioni 21.5 hadi Milioni 24.5.

Dili limetiki: Alvaro Negredo amejiunga na Manchester City baada ya kukamilisha vipimo vya afya leo jioni

Karibu Manchester: Negredo akifanyiwa vipimo katika hospitali ya Bridgewater

Enlarge 

Mlengwa Mkuu: Negredo ameigharimu City Pauni Milioni 20.6

Pamoja na hayo, imetokea bei imeshuka na vyanzo kutoka City vimesema watalipa Pauni kwanza Pauni Milioni 16.4 na kumalizia Milioni 4.2 baadaye kwa vipengele tofauti.

Hiyo inahusiaha Pauni 850,000 kulipwa Sevilla iwapo Negredo ataisaidia City kutwaa taji la Ligi ya Mabingwa Ulaya, Pauni 500,000 kama watatwaa ubingwa wa Ligi Kuu England na Pauni 250,000 wakifuzu kucheza Ligi ya Mabingwa.

Beki wa City, Pablo Zabaleta alipambana na Negredo wakati akiichezea Espanyol ya Hispania, na ainaaminika atakuwa mbadala wa Carlos Tevez kufuatia Muargentina huyo kutimkia Juventus kwa ada ya Pauni Milioni 10.

"NI mshambuliaji mzuri, namba 9 halisi," alisema Zabaleta. "Naweza kusema ni sawa na Edin Dzeko. Ni mchezaji wa mpira ambaye anafanya kazi nzuri ndani ya boksi au anyeshuka chini kupokea mipira inapobidi,".

Kifaa cha uhakika: Negredo amefunga mabao 25 Sevilla msimu uliopita na anachezea timu ya taifa ya Hispania

Thursday, July 18, 2013