BAUSI KOCHA MPYA AFRICAN LYON

Bausi aliyebebwa juu na wachezaji wa Zanzibar kwenye Challenge mwaka jana

Na Prince Akbar
AFRICAN Lyon ya Dar es Salaam imeingia mkataba na kocha Salum Nassor Bausi wa Zanzibar, aliyeanza kazi jana akiritihi mikoba ya Muargentina, Pablo Ignacio Velez.

Velez

Mmiliki wa Lyon, Rahim Kangezi 'Zamunda' ameiambia BIN ZUBEIRY jana kwamba, wameamua kumchukua kocha huyo baada ya kufuatilia na kuridhishwa na kazi yake. 
"Tunaamini ni kocha mzuri na ataifufua Lyon, tupo katika jitihada za kuhakikisha timu inaimarika na inatoa upinzani katika Ligi Kuu,"alisema Zamunda.
African Lyon iko kwenye hatari ya kushuka daraja kwa sasa na mbaya zaidi imeanza vibaya mzunguko wa pili wa Ligi Kuu, ikifungwa mechi zote mbili za mwanzo. 
Leo, timu hiyo ikiwa na kocha wake mpya, Bausi aliyeiwezesha Zanzibar kushika nafasi ya tatu katika michuano ya Kombe la Mataifa ya Afrika Mashariki na Kati, CECAFA Tusker Challenge Novemba mwaka jana, inaondoka Dar es Salaam kwenda Mbeya tayari kwa mchezo dhidi ya Prisons Jumamosi.

Thursday, February 07, 2013