%202.png)
.png)
 |
| Kocha wa Yanga, Ernie Brandts |
Na Prince Akbar
YANGA SC
jana imeitandika mabao 4-0 Kijitonyama Stars katika mchezo wa kirafiki kwenye
Uwanja wa Kijitonyama, Dar es Salaam.
Mabao ya
Yanga jana yalifungwa na George Banda matatu na Rehani Kibingu moja, ambao wote
wamepandishwa kutoka timu ya vijana chini ya umri wa miaka 20.
Kikosi cha
Yanga jana kilikuwa mseto; Ally Mustafa ‘Barthez’/Said Mohamed, Juma Abdul/Nssajigwa
Shadrack, Oscar Joshua/Stefano Mwasyika, Ladislaus Mbogo/Job Ibrahim, Mbuyu
Twite, Nurdin Bakari, Rehani Kibingu/Godfrey Taita, Kabange Twite, Jerry Tegete/Omega
Seme, George Banda na David Luhende.
Yanga inaendelea
na mazozi mjini Dar es Salaam kujiandaa na safari yake ya Uturuki wiki ijayo
ambako inakwenda kuweka kambi ya wiki mbili. Kikosi cha Yanga kinatarajiwa kuwa
kamili kesho, baada ya wachezaji wake wengine kumaliza majukumu yao ya kitaifa
leo, katika mechi kati ya Tanzania na Zambia leo Uwanja wa Taifa, Dar es
Salaam.
