CHELSEA KUSAJILI WAKALI WAWILI WA MABAO HASIRA ZA KUMKATIA TAMAA FALCAO

Chelsea inataka kuwasajili washambuliaji wa Marseille ya Ufaransa, Loic Remy, mwenye umri wa miaka 25, na Mcolombia wa Porto ya Ureno, Jackson Martinez, mwenye miaka 26, baada ya kukataa ya kumnasa mpachika mabao wa Atletico Madrid, mwenye thamani ya pauni Milioni 46, nyota wa Colombia, Radamel Falcao, 26.
Jackson Martinez
Chelsea inamtaka Jackson Martinez wa Porto
Tottenham inaweza kumsajili Andy Carroll ifikapoJanuari. Mshambuliaji huyo wa Liverpool na England mwenye umri wa miaka 23, anacheza kwa mkopo West Ham hivi sasa.
Liverpool inaweza kumkosa nyota wa Athletic Bilbao, Fernando Amorebieta, mwenye umri wa miaka 27, baada ya Roma na Zenit St Petersburg kuonyesha nia ya kumsajili beki huyo wa kimataifa wa Venezuela.
Kocha wa Lille, Rudi Garcia anataka kumsajili tena kiungo wa Liverpool, Joe Cole, mwenye umri wa miaka 30, ambaye msimu uliopita alicheza kwa mkopo katika klabu hiyo ya Ufaransa.
Manchester United inamtolea macho winga wa Blackpool, Tom Ince, mwenye umri wa miaka 20, kama mbadala wa Nani, mwenye umri wa miaka 25. Ince yupo kwenye mawazo ya Sir Alex Ferguson kutokana na kutoeleweka kwa mustakabali wa winga wake Mreno.
Mathieu Debuchy
Fulham imepanga kufanya mazungumzo na Brede Hangeland kabla ya Krisimasi kuzungumzia mkataba wake. Beki huyo wa Norway mwenye umri wa miaka 31, atakuwa huru msimu ujao na anaweza kuanza mazungumzo na klabu kuanzia Januari..
Beki wa kulia wa Lille, Mathieu Debuchy, mwenye umri wa miaka 27, amesema alisononeshwa mno na kutojiunga na Newcastle msimu huu na hatarajii kuhamia katika klabu hiyo katika dirisha dogo Januari.
Beki wa Hispania, Marc Bartra, mwenye umri wa miaka 21, amesema hana mpango na mchezaji mwenzake wa Barcelona, Lionel Messi licha ya taarifa za kugombana naye kwenye viwanja vya mazoezi mwanzoni mwa msimu.

RONALDO ATAMANI KUJIPIGIA KURA BALLON D'OR

Neymar
Neymar amepuuzia tetesi za kuhamia Barcelona
Mshambuliaji wa Real Madrid, Cristiano Ronaldo, mwenye umri wa miaka 27, amesema angejipigia kura mwenyewe kushinda tuzo ya Ballon d'Or ikiwa ingeruhusiwa. 
Neymar, mwenye umri wa miaka 20, ambaye amekuwa akihusishwa na mpango wa kuhamia Barcelona na anayesifiwa kama mchezaji bora chipukizi Brazil, ametania kwamba njia pekee ya yeye kucheza klabu moja na Lionel Messi ni iwapo Muargentina huyo atajiunga na Santos.