TIMU YA AKINA BANKA YAIFUNGA TIMU YA OLIECH

David Naftali

Na Prince Akbar

BANDARI ya Mombasa, Kenya yenye wachezaji wanne wa Tanzania, David Naftali, Thomas Maurice, Meshack Abel na Mohamed Banka, imeanza vema mzunguko wa pili wa Ligi Daraja la Kwanza nchini humo, baada ya kuwafunga Mathare United 1-0.

Naftali ameiambia BIN ZUBEIRY kutoka Kenya jana kwamba mechi dhidi ya timu hiyo ya zamani Dennis Oliech ambaye kwa sasa anacheza Aj Auxerre ya Ufaransa, ilifanyika kwenye Uwanja wa Hope Center, Nairobi.

Naftali amesema sasa Bandari inaongoza ligi hiyo, kwa pointi 40 na wamebakiza mechi 18 kuelekea mbio za kurejea Ligi Kuu msimu ujao.

Hata hivyo, Naftali alisema Banka, Meshak na Maurice wote hawakusafiri na timu kutoka Mombasa, kutokana na kuchelewa kuripoti kambini wakirejea kutoka likizo fupi ya wiki moja.

Sunday, July 08, 2012