SAMATTA AIFUNGIA BAO TP MAZEMBE USIKU HUU MISRI

Samatta akiwa n a jezi ya Taifa Stars

MBWANA Ally Samatta, mshambuliaji wa kimataifa wa Tanzania, usiku huu ameifungia bao moja Tout Puissant Mazembe ya DRC, ikilala 2-1 mbele ya wenyeji Al Ahly katika mchezo wa Kundi B wa Ligi ya mabingwa Afrika, uliofanyika kwenye Uwanja wa Chuo cha Jeshi, mjini al-Qahirah, Cairo, Misri.

Mshambuliaji huyo wa zamani wa Simba SC, alifunga bao hilo dakika ya 85, akiunganisha pasi ya Kasusula, ikiwa ni dakika 20 tu tangu aingie uwanjani akitokea benchi kwenda kuchukua nafasi ya Lungu.

Mabao ya wenyeji yalifungwa na Emad Moteab dakika ya 12, pasi ya Waleed Soliman na Gedo dakika ya pili ya muda wa nyongeza baada ya kutimu dakika 90 za kawaida za mechi hiyo, akiunganisha pasi ya Sayed Moawad.

Katika mechi hiyo ya kwanza kwa TP Mazembe katika kundi hilo, mchezaji wake wa Kimwaki alipewa kadi nyekundu dakika ya 81 baada ya kumchezea rafu Mohamed Aboutrika. 

Sunday, July 08, 2012