ROBO FAINALI ROLLINGSTON LEO, AZAM, COASTAL, JKT ZAWANIA NUSU

Mwinyi Hamadi kushoto na Saleh Abdallah

Na Prince Akbar

ROBO fainali ya michuano ya vijana chini ya umri wa 17, Afrika Mashariki na Kati, maarufu kama Rollingston inayoshirikisha academy mbalimbali, zinafanyika leo nchini Burundi.

Katika hatua hiyo, Tanzania imeonyesha kuwa na msingi mzuri wa soka ya vijana kutokana na kufanikiwa kuingiza timu sita katika hatua ya Robo Fainali ya michuano hiyo, ambayo awali ilikuwa ikifanyika mjini Arusha.

Timu zilizoingia hatua hiyo ni Azam FC ya Dar es Salaam, JKT Ruvu ya Pwani, Mjini Magharibi ya Zanzibar, Coastal Union ya Tanga na Bishop Dunhill na Rollingston za Arusha.

Robo Fainali zote zinachezwa leo Jumanne katika viwanja viwili tofauti, Aigle Noir  ya Burundi ikimenyana na JKT Ruvu, Ecofoot ya Jamhuri ya Kidemokrasia ya Kongo (DRC) ikimenyana na Bishop Dunhill Uwanja wa Gisenyi, wakati Azam FC itamenyana na Mjini Magharibi, Rollingston na Coastal Union Uwanja wa Nyanza.

Mechi za kwanza zitachezwa saa 7:00 mchana na za pili zitachezwa saa 9:00 alasiri.

ROBO FAINALI ROLLINGSTON:

(Julai 17, 2012)

Aigle Noir (Burundi) v JKT Ruvu

Azam FC v Mjini Magharibi

Rollingston v Coastal Union

Ecofoot (DRC) v Bishop Dunhill (Arusha)

Tuesday, July 17, 2012