MWASISI WA SIMBA SC AFARIKI DUNIA, ANAZIKWA LEO MANZESE

Rage

Na Princess Asia

MWENYEKITI wa Simba SC, Alhaj Ismail Aden Rage, anasikitika kutangaza kifo cha mmoja wa wazee wa klabu hiyo, Mzee Salum Pazi, kilichotokea mjini Dar es Salaam usiku wa kuamkia leo.

Taarifa ya Ofisa Habari wa Simba SC, imesema Mzee Pazi ni mmoja wa waanzilishi wa Simba tangu enzi ikiitwa Sunderland. Msiba wa marehemu uko nyumbani kwake Manzese mjini Dar es Salaam na anatarajiwa kuzikwa leo.

Akimzungumzia marehemu, Rage alisema alimfahamu Pazi tangu wakati yeye (Rage) akiwa mchezaji kwenye miaka ya 1970 na alikuwa mtu muhimu sana kwenye klabu.

Kutokana na msiba huo, Simba itatoa Sh laki tano (500,000) kama ubani kwa familia ya marehemu.

Tuesday, July 03, 2012