Tetesi za Jumanne magazeti Ulaya

ADE MABAO KUTUA JUMLA SPURS

MSHAMBULIAJI wa Manchester City, Emmanuel Adebayor atahamia moja kwa moja Tottenham kwa dau la pauni Milioni 5, ili kuacha nafasi kwa mshambuliaji mpya anayetaka kusajiliwa kutoka Arsenal, Robin van Persie.
Lucas Moura
Moura anaweza kuungana na Rafael na Anderson Man United
MSAFARA wa Manchester United utawasili Brazil leo na dau la pauni Milioni 30 kwa ajili ya saini ya Lucas Moura, mwenye umri wa miaka 19, kabla ya kiungo huyo wa Sao Paulo anayetakiwa na Inter Milan pia, hajaenda kwenye Michezo ya Olimpiki na kikosi cha Brazil.
KLABU ya Chelsea itaipiga bao Tottenham kumsajili mshambuliaji wa Internacional ya  Brazil, Oscar, mwenye umri wa miaka 20, kwa dau la pauni Milioni 25.
KLABU ya AC Milan imeungana na Juventus na Inter Milan katika mbio za kuwania saini ya beki wa kushoto wa Manchester City, Aleksandar Kolarov, mwenye umri wa miaka 26, ambaye hayajamuendea vizuri Etihad.
KLABU ya AC Milan pia inajitayarisha kutoa pauni Milioni 20 kwa ajili ya mshambuliaji wa Manchester City, kutoka Bosnia, Edin Dzeko, mwenye umri wa miaka 26.
KLABU ya Real Madrid itarahisisha mpango wa kumsajili kiungo wa Tottenham, Luka Modric kwa kumtoa beki wake Mreno, Ricardo Carvalho, mwenye umri wa miaka 34, ambaye alifanya kazi na kocha mpya wa Spurs, Andre Villas-Boas walipokuwa Porto, kama sehemu ya dili hilo. Tottenham inataka pauni Milioni 35 kwa ajili ya kiungo huyo wa kimataifa wa Croatia, Modric.
Clint Dempsey
Dempsey amefunga mabao 17 msimu uliopita katika Ligi Kuu
KLABU ya Liverpool inataka kumsajili mshambuliaji wa Kimarekani wa Fulham, Clint Dempsey, mwenye umri wa miaka 29, kabla hawajaedna kwenye ziara ya kujiandaa na msimu mpya nchini Marekani.
MSHAMBULIAJI wa England, Andy Carroll, mwenye umri wa miaka 23, anapambana kwa ajili ya mustakabali wake mpya chini ya kcha mpya, Brendan Rodgers.
KLABU ya Arsenal inapambana na Barcelona kwa ajili ya saini ya kiungo Mfaransa wa klabu ya Toulouse, Etienne Capoue,mwenye umri wa miaka 23, ambaye anaweza kuwagharimu pauni Milioni 9.5.
KLABU ya Sunderland imeambiwa itatakiwa kulipa pauni Milioni 15 kumpata mshambuliaji wa Wolves, Steven Fletcher.
KLABU ya Wigan inatumai kutumia pauni Milioni 3 kumnasa beki wa Watford, Adrian Mariappa, mwenye umri wa miaka 25.
KLABUI ya Tottenham inajiandaa kuipiga bao Arsenal katika usajili wa beki wa Nottingham Forest na timu ya taifa ya vijana ya England chini ya umri wa miaka 19, U19, Jamaal Lascelles, mwenye umri wa miaka 18.

Full story: Daily Mirror KOCHA wa Manchester City, Roberto Mancini amesaini mkataba mpya wa miaka mitano, ambao atakuwa akilipwa pauni Milioni 7.5 kwa msimu.
Gareth Barry anaweza kuukosa mwanzo wa msimu kutokana na matatizo ya tumbo. Kiungo huyo wa Manchester City, ambaye alikosa Euro 2012, atasafiri hadi Munich Jumatatu kwenda kuonana na mtaalamu.
NAHODHA wa Manchester United, Nemanja Vidic anaweza kurejea uwanjani katika ziara ya kujiandaa na msimu mpya nchi za Scandinavia  baada ya miezi nane ya kuwa nje kwa maumivu ya goti.