DIZANA AIPELEKA AZAM ACADEMY ROBO FAINALI ROLLINGSTON

Kikosi cha Azam Academy; Picha ya Maktaba

Na Princess Asia

TIMU ya vijana ya Azam FC, maarufu kama Azam Academy jana ilifanikiwa kuwa timu ya kwanza kutinga Robo Fainali ya michuano ya Rollingston inayoendelea mjini Bujumbura, Burundi, baada ya kuifunga Kyazanga FC ya Uganda mabao 1-0.

Katibu Mkuu wa Azam FC, Nassor Idrisa ameiambia BIN ZUBEIRY asubuhi hii kwamba, ushindi huo, ulitokana na bao pekee la beki wa kati wa timu hiyo, Dizana Ally, ambaye anainukia vizuri na kuna matumaini atakuwa nyota katika soka ya Tanzania baadaye.

Azam Academy inayotunzwa vizuri kuliko timu nyingine yoyote barani Afrika, imefuzu kutinga Nane Bora baada ya kushinda mechi mbili mfululizo, kwani awali iliifunga 3-0 Nyirakongo Academy ya Jamhuri ya Kidemokrasia ya Kongo (DRC).

Wednesday, July 11, 2012