CHUJI AWATULIZA NAFSI YANGA

Chuji

Na Prince Akbar

ATHUMANI Iddi ‘Chuji’, kiungo wa Yanga amesema kwamba mashabiki wasikatishwe tamaa na matokeo ya timu hiyo katika mchezo wa kwanza wa Klabu Bingwa Afrika Mashariki na Kati, Kombe la Kagame ambao timu hiyo ilifungwa 2-0 na Atletico ya Burundi Uwanja wa Taifa, Dar es Salaam juzi.

Chuji ameiambia BIN ZUBEIRY kwamba mchezo uliwakataa siku hiyo na hilo huwa linatokea kwenye soka, lakini anaamini timu yao ni bora na itabeba Kombe mwisho wa mashindano.

“Mpira ulikataa tu, inatokea hiyo. Kila tunachokifaya kinatakaa, hadi tukawa tunashangaa, lakini nasaema mashabiki wasikate tamaa, sisi timu yetu nzuri na ina mafundi wengi na tunajiamini kabisa, hili Kombe tunabeba,”alisema Chuji.

Yanga itamenyana na Waw Salaam ya Sudan Kusini kesho, mechi itakayotanguliwa na mchezo kati ya Atletico na APR ya Rwanda, iliyowafunga Wasudan 7-0 katika mchezo wa kwanza.

Monday, July 16, 2012