UFARANSA YENYE ‘ZIDANE WATATU’ ITAFANYA MAAJABU?

Nasri

Na Baraka MBolembole

Samir Nasri, Hatem Be Arfa na Karimu Benzema kwa pamoja walikuwa wakifahamika kama wachezaji bora na wenye vipaji zaidi katika soka la Ufaransa miaka mitano iliyopita, kundi hili la vijana wenye asili ya Kiafrika kila mmoja alitajwa kama Zinedine Zidane ‘mpya’ hiyo ni kutokana na vipaji vya wachezaji hao. Miaka mitano baada ya kufananishwa na ‘Zizzou’ ‘Waarabu’ hao watatu kesho watakuwa na jukumu kubwa la kuiongoza nchi yao ya ‘hiari’ Ufaransa katika michuano ya Euro 2012 inayoendelea katika nchi za Poland na Ukraine. Ufaransa ambayo iliifunga wenyeji wwenza wa michuano hiyo Ukraine katika mchezo wa ijumaa iliyopita imefufua matumaini ya kufuta ‘aibu’ ya miaka minne iliyopita waliposhindwa kuvuka hatua ya makundi, sasa wana pointi nne sawa na England, lakini wanaongoza kundi la mwisho kutokana na kuwa na wastani mzuri wa mabao ya kufunga na kufungwa, baada ya sare dhidi ya England jumatatu hii ‘Les Blues’ walitumia nguvu ya ziada ili kuwafunga Ukraine ambao tayari walikuwa na pointi tatu walizozipata katika mchezo wa kwanza dhidi ya Ireland ambayo tayari imeondoshwa katika michuano hiyo.

Blanc. kocha wa Ufaransa

  Ufaransa ambayo haikuwa na matokeo mazuri kwa takribani kipindi cha miaka kumi iliyopita, itakumbuka namna ilivyosota tangu walipofikia kilele cha mwisho ya mafanikio yao kisoka baada ya kuifunga Italia mabao 2-1 katika fainali ya mwaka 2000. Baada ya kushuhudia kizazi cha dhahabu kilichojumuhisha wachezaji wenye vipaji kama , Zidane, Cristopher Dugary, Youry Jorkaeff, Emma Petit, Patric Vieirra, Thieery Hennry, David Trezeguet, Macel Dessailly, Laurent Blanc ambaye ndiye kocha wa sasa wa timu hiyo, Bixente Lizarrazu, Frank Rebouf, Fabien Barthez, aliyekuwa nahodha Didier Deschamps na wengine kikimaliza kwa mafanikio, timu hiyo maarufu kama ‘Les Blues’ ilikwenda katika michuano ya kombe la dunia mwaka 2002 na kuutema ubingwa waliokuwa wametwaa miaka minne nyuma (1998), siyo tu kuutema ubingwa, Ufaransa ilitolewa katika michuano ile pasipo kufunga bao lolote, na baada ya kuifunga England katika mchezo wa ufungi wa michuano ya Euro 2004, timu iliyokuwa na baadhi ya wachezaji wake nyota walioipatia mafanikio katika miaka ya 1998, na 2000 walitolewa katika hatua ya robo fainali na waliokuja kuwa mabingwa Ugiriki, baada ya kuzidiwa mbinu za kufunga na kuzuia kwa ushirikiano wa timu nzima, kasha wakapata mafanikio ‘kiasi’ ya ‘kubahaitisha’ katika michuano ya kombe la dunia mwaka 2006 nchi Ujerumani kabla ya kufungwa na Italia katika mchezo wa fainali kwa mikwaju ya penalty. Wakashindwa kupata mafanikio katika michuano ya Euro 2008 kwa kushindwa kuvuka hatua ya makundi na kasha wakashindwa kuvuka tena hatua ya makundi katika fainali za kombe la dunia nwaka 2010 baada ya kufuzu ‘kimagumashi’ kwa pasi ya mkono siku ya mchezo wa ‘play off’ dhidi ya Ireland. Na sasa wanatakiwa kuifunga tena Ukraine ili waweze kuwa na uhakika wa kufuzu kwa robo fainali baaada ya miaka nane.

Ufaransa yenye vijana kama, Nasri, Benzema, Ben Arfa, Alou Diarra, Yoan Cabaye, Frank Ribery, Jerem Menez ambaye alianza na kufunga bao katika mchezo uliopita, Mexes ambao kwa pamoja walikuwa na msimu bora katika vilabu vyao wanaweza kufanya moja ya ‘maajabu’ kwa kutwaa ubingwa ‘kimiujiza’ siku ya mwisho ya michuano endapo watakuwa watulivu na kuwa makini na kile ambacho kimewapeleka uko. Ufaransa katika kipindi cha miaka kumi iliyopita imekuwa na matatizo mengi katika kambi yao hasa kipindi wakiwa katika michuano mikubwa. Kama timu itatulia na wachezaji wakafanya kazi bila shaka lolote wanaweza kufanya, kufika nusu fainali yatakuwa ni mafanikio makubwa kwao lakini wanaweza kucheza fainali pia na kutwaa taji kwani nao ni wazoefu wa michezo ya hatua ya mtoano, walitwaa kombe la dunia mwaka 1998 baada kujilinda na mabeki kufunga mabao muhimu, na kwenye Euro 2000 ilikuwa ni hivyo hivyo, lakini baada ya hapo matatizo ya utovu wa nidhamu kwa wachezaji muhimu wa safu ya ulinzi yamewaangusha na kuwafikisha hapo walipo sasa, lakini hivi sasa wakiwa na mchezaji ambaye Wafaransa wanamuona no bora zaidi katika safu ya ulinzi ya timu yao, Phillipe Mexex na uwepo wa walinzi ‘viongozi’ kama Patrice Evra na Gael Clichy bila shaka timu hii inahitaji nidhamu tu kabla ya kufanya ‘maajabu’ ya mchezo wa soka. Bila shaka huenda wengi wasiipe nafasi kubwa ya kutamba katika michuano hii, lakini ni timu ambayo inaweza kucheza nusu fainali, fainali na hata kutwaa taji, mara kadhaa wameweza kufanya hivyo. Je wataweza tena safari hii? Mimi utabiri wangu ni huu, bingwa anaweza kuwa Ujerumani, Italia au Hispania.

  0714 08 43 08 / 0688 54 59 92

    

Monday, June 18, 2012