TOTOZ ZA DAR INTER COLLEGE NDANI YA BILLZ KESHO

Dina Ismail Mkingiye 'Dodo',
Mratibu Miss Dar Inter College 

Na Princess Asia

VIMWANA wanaotarajiwa kushiriki shindano la Miss Dar Inter College 2012 litakalofanyika Ijumaa wiki hii kwenye ukumbi wa Makumbusho, katikati ya Jiji karibu kabisa na Chuo cha Usimamizi wa Fedha (IFM), kesho watajivinjari katika ukumbi Club Billicanas, Dar es Salaam kupiga promo la shoo yao, inayosubirwa kwa hamu na wapenzi wengi wa sanaa ya ulimbwende nchini.

Wanyange wa Miss Dar Inter College katika ukumbi wa Billz kesho wamealikwa kwenye shoo ya Usiku wa wa Mwafrika ya bendi ya African Stars ‘Twanga Pepeta’, ikiwa ni siku mbili kabla ya shindano lao linaloshirikisha mabinti kutoka vyuo mbalimbali vya Elimu ya Juu Dar es Salaaam.

Shindano hilo, litakaloshirikisha mabinti wenye upeo wa hali ya juu kutokana na ukweli kwamba wanatoka vyuoni, litapambwa na burudani ya muziki kutoka kwa Mfalme wa Bongo Fleva, Nassib Abdul ‘Diamond Platinum’ pamoja na bendi mpya ya muziki wa dansi inayokuja juu hivi sasa, Skylight.

Mratibu wa shindano hilo Dina Ismail Mkingiye ‘Dodo’, ameiambia BIN ZUBEIRY leo kwamba warembo wote wanaoshiriki shindano hilo, watakuwepo kwenye shoo ya Twanga Pepeta usiku wa kesho.

Diamond Platinum atatumbuiza Ijumaa Makumbusho ya town

Akizungumzia maandalizi ya shindano hilo, Dina ambaye ni mwandishi mwandamizi wa habari za Michezo wa gazeti la Tanzania Daima, alisema yanaendelea vizuri na warembo 14 watakaoshiriki shindano hilo wanaendelea na mazoezi katika hoteli ya The Grand Villa, Kijitonyama, Dar es Salaam

“Mwaka huu tumejipanga vema kuhakikisha mmoja ya warembo kutoka Miss Dar Inter College anafanya vema katika fainali za Miss Tanzania,” alisema mama huyo wa watoto watatu, P, Checha na Baito ambaye pia Mkurugenzi wa dinaismail.blogspot.com ‘inayokimbiza ile mbaya’.

Warembo watakaoshiriki shindano hilo wanatoka vyuo vya  Biashara (CBE), Uandishi wa Habari (DSJ) na Time,  Ustawi wa Jamii,  Usimamizi wa Fedha (IFM)  na Chuo Kikuu Huria (OUT) wakati taji la Miss Inter College linashikiliwa na binti kutoka IFM, Rose Msuya.

Warembo wawili wa Inter College walishiriki fainali za Miss Tanzania mwaka jana na kufanya vizuri, mbali na Rose mwingine ni mshindi wake wa pili, Blessing Ngowi.

Dina aliyewahi kuandikia pia magazeti ya Majira, Spoti Starehe na kutangazia Radio Times, aliwataja warembo wanaoshiriki shindano hilo kuwa ni Veronica Ngota, Rose Muchunguzi, Nancy Maganga, Hilda  Edward, Diana Nyakisinda, Neema Michael, Veronica Yollla, Jacqueline Cliff, Sharifa Ibrahim, Natasha Deo, Saada Suleiman, Rose Masanja na Jamila Hassan.

Amewataja wadhamini wa shindano hilo kuwa ni Redd’s Premium, Dodoma Wine, Ndege Insurance, Skylight Band, Lamada Hotel, Screen Masters, Makumbusho ya Taifa, Mustafa Hassanali, Shear Illusions, Lamada Hotel, Grand Villa Hotel, Clouds Media Group blog za Michuzi, Dina Ismail, BIN ZUBEIRY, Mtaa kwa Mtaa na Full Shangwe.

Baadhi ya washiriki Miss Dar Inter College wakiwa mazoezini

Tuesday, June 19, 2012