SIMBA KUANZA NA URA, YANGA NA WARUNDI KAGAME, AZAM WAPEWA WAZENJI

Katibu Mkuu wa CECAFA, Nicholaus Musonye kulia akizungumza na Waandishi wa Habari katika Ofisi za TFF, mchana huu. Kushoto ni Katibu Mkuu wa TFF, Angetile Osiah.

Na Prince Akbar

MABINGWA watetezi wa Klabu Bingwa Afrika Mashariki na Kati, Kombe la Kagame watafungua dimba na Atletico ya Burundi katika mchezo wa Kundi C wa michuano hiyo, Julai 14, mwaka huu Uwanja wa Taifa, Dar es Salaam, wakati wapinzani wao wa jadi, Simba SC waliowekwa Kundi A, wataanza na URA ya Uganda Julai 16, kwenye Uwanja huo huo.

Wawakilishi wengine wa Tanzania katika michuano hiyo, Azam FC wao wataanza na Mafunzo ya Zanzibar katika mchezo wa Kundi B, Uwanja wa Chamazi, Julai 15.

Katibu Mkuu wa Baraza la Vyama vya Soka Afrika Mashariki na Kati (CECAFA), Nicholaus Musonye amesema katika Mkutano na Waandishi wa Habari mchana huu, ofisi za Shirikisho la Soka Tanzania (TFF), Ilala, Dar es Salaam kwamba, Vita Club ya Jamhuri ya Kidemokrasia ya Kongo (DRC) itashiriki kama timu mualikwa.

Aidha, habari za kusikitisha ni kwamba, Musonye amesema Sudan, Ethiopia, Eritrea na Somalia hazitaleta wawakilishi wao kwa sababu mbalimbali.

Wakati Ethiopia ligi yao inaanza wiki hii, Sudan wawakilishi wao wapo kwenye michuano ya Afrika na wameshindwa kuteua timu mbadala, Somalia wawakilishi wao Elman wamebadilisha uongozi, hivyo bado hawajajipanga na Eritrea kutokana na desturi ya wachezaji wao kuzamia kila wanapokuja kwenye mashindano, wameondolewa.

“Wameondolewa, kwa sababu mbili, kwanza nchi yao imeomba ipewe muda kulifanyia kazi sual hilo, na sisi pia (CECAFA) tunalitafutia ufumbuzi,”alisema Musonye.  

Lakini Musonye amekiri kitendo cha kuyatoa mashindano hayo mwanzoni mwa mwaka hadi katikati ya mwaka kumechangia baadhi ya timu kutoshiriki na amesema tayari amewasilisha pendekezo kwenye Mkutano Mkuu, mashindano yarejee kufanyika mwanzoni mwa mwaka kama ilivyokuwa awali.

Kuhusu mechi ya ufunguzi ya Simba kuchezwa Julai 16, ambayo itakuwa Jumatatu badala ya Jumapili, Musonye alisema kwamba imetokana na kwamba Julai 15, Uwanja wa Taifa kutakuwa na fainali za Copa Coca Cola, ambayo maandalizi yake yote yamekamilika.

Yanga ndiye bingwa mtetezi wa mashindano, baada ya kuifunga Simba SC katika fainali mwaka jana Uwanja wa Taifa, Dar es Salaam.

CECAFA CLUB KAGAME CUP 2012

14^th – 28^th July 2012, Dar-Es Salaam, Tanzania

Team Fixture list

 

GROUP A             SIMBA(TZ), URA (UGA), VITA CLUB (CONGO DR) PORTS (DJB),

GROUP B             AZAM(TZ), MAFUNZO(ZANZ), TUSKER (KEN),  

GROUP C             YANGA(TZ), APR(RWD),WAU SALAAM (SOUTH SUDAN), ATLETICO(BUR),

 

(QUALIFICATION: GROUP A 1^st and 2^nd AND 3rd GROUP B 1^st and 2^nd , GROUP C 1^st and 2^nd  AND 3^rd QUALIFY TO QUARTER FINALS).

 

DATE	NO	TEAMS		GROUP	VENUE		TIME (EAT)
Sat 14th July	1 2	APR Vs WAU SALAAM YANGA v ATLETICO		C C	Dar Dar		2pm 4 PM
Sun 15THJuly	3	AZAM V MAFUNZO		B	CHIMANZI		4 PM
Mon 16th July	4 5	VITA CLUB Vs PORTS SIMBA Vs URA		A A	Dar Dar		2PM 4PM
Tue 17th July	6 7	ATLETICO Vs APR WAU SALAAM Vs YANGA		C C	Dar Dar		2pm 4PM
Wed 18th July	8 9	VITA CLUB Vs URA PORTS  Vs SIMBA		A A	Dar Dar		2 pm 4pm
Thu 19th July	10 11	ATLETICO Vs WAU Salam MAFUNZO Vs TUSKER		C B	Dar Dar		2pm 4pm
Fri 20th July	12 13	PORTS Vs URA YANGA Vs APR		A C	Dar Dar		2pm 4pm
Sat 21st July	14 15	AZAM Vs TUSKER SIMBA Vs VITA CLUB		B A	TBD TBD TBD TBD		TBD
Sun 22nd July		REST DAY
QUARTER FINALS
Mon 23th July	16 17	B2 Vs C2 A1 Vs C3			TBD		TBD
Tue 24th July	18 19	C1 Vs A2 B1 VsA3			TBD		TBD
Wed 25th July			REST DAY
SEMI FINALS
Thu 26th July	20	Winner 16 Vs Winner 17			TBD		TBD
Thu 26th July	21	Winner 18 Vs Winner 19			TBD		TBD
Fri 27th July	REST DAY
FINALS AND 3rd PLACE PLAY OFFS
Sat 28th July	22 23	Loser 20 Vs Loser 21 Winner 20 Vs Winner 21			TBD		TBD

 

Friday, June 29, 2012