MAN CITY WAMWAGIKA MITAA YA MANCHESTER, LILIKUWA BONGE LA PATI LEO

MAN CITY KATIKA PICHA TOFAUTI WAKISHANGILIA UBINGWA WAO

Published: Today at 19:04

MAN CITY walisherehekea ubingwa wao wa Ligi Kuu ya England waliotwaa jana kwa kutembea mitaani na basi lao kubwa la wazi jioni ya leo katika Jiji la Manchester.

17 comments

Mashabiki walimwagika mitaani kuwapongeza mashujaa wao huku wakipigiwa wimbo waThe Beatles, Hey Jude.

Vijana wa Roberto Mancini, walitwaa taji hilo kiaina yake wakipata mabao mawili dakjika za majeruhi na kushinda 3-2 dhidi ya QPR katika siku ya mwisho ya msimu.

Wapinzani wao, Man Utd walifikiri wametwaa ubingwa baada ya kuifunga Sunderland 1-0 kwenye Uwanja wa Stadium of Light, wakati huo City wakiwa nyuma kwa 2-1 kabla ya mambo kubadilika.

Nahodha Vincent akiwa ameinua Kombe

Lakini mpira wa kichwa uliopigwa na Edin Dzeko aliyetokea benchi uliisawazishia City dakika ya 92 kabla ya Sergio Aguero kufunga la ushindi sekunde chache kabla ya filimbi ya mwisho.

Kipa Joe Hart (kushoto) akipungia mashabiki

Lilikuwa taji la kwanza kwa City, ndani ya miaka 44 –  tangu watwae la mwisho mwaka 1968.

Kocha Roberto Mancini (kushoto) na Kompany

Monday, May 14, 2012