KELVIN YONDAN ATIWA PINGU SIMBA, YANGA WALIE TU

Yondan  kulia katika mechi na TP Mazembe mwaka jana

YANGA waandike maumivu. Hawampati ng’o Kelvin Yondan- labda hadi 2015.

Hiyo inafuatia, Makamu Mwenyekiti wa Simba, Geoffrey Nyange ‘Kaburu’ kuiambia BIN ZUBEIRY mchana huu kwamba beki huyo wa kati amesaini mkataba mpya wa miaka miwili.

“Yondani alikwishasaini muda mrefu tu, kipindi kile amegoma na kubaki kwao Mwanza, ishu ilikuwa fedha, alikuwa anataka fedha, sisi tukamuita tukampa fedha, akamwaga wino,”alisema Kaburu.

Aidha, Kaburu alisema kwamba Victor Costa ana nafasi ya kumalizia mkataba wake wa mwaka mmoja SImba SC, iwapo atajirekebnisha na kurudi akiwa fiti Juni mwaka huu.

“Tumevunja kambi, baadhi ya wachezaji wanakwenda kambi ya timu ya taifa, lakini wengine ambao hawana majukumu kipindi hiki tumewaambia wakajitunze, wakirudi wawe fiti.

Kila mtu kapewa programu ya kufanya mazoezi angalau ya gym kila baada ya siku moja,”alisema Kaburu.    

Yanga imekuwa ikimtaka kwa mkuda mrefu Yondan, lakini kila kinapowadia kipindi cha usajili hushindwa kumnasa katika mitego yao.

Wednesday, May 16, 2012