WILL SMITH APAGAWISHA KIDS CHOICE AWARD, MAMA OBAMA NDANI NA MAKINDA YAKE

Smith

RAPA na mcheza filamu Will Smith amedhihirisha kweli anajua kupagawisha kadamnasi. Akiwa miongoni mwa watumbuizaji katika shoo ya 25 ya tuzo za Annual Kids' Choice, nyota huyo wa Men in Black alipanda jukwaani na parachuti.

Kasha akapiga shoo la nguvu lililopagawisha ile mbaya kiasi kwamba hakuna aliyejizuia kutabasamu.

Wakati akifanya vitu vyake jukwani, watu walikuwa wamechangamka ile mbaya wengine wakirusha maputo kuonyesha kuridhika na mavitu ya mkali huyo.

Halle Berry alikuwa nyota wa kwanza kutinga ukumbini, akifuatiwa na Taylor Lautner (ambaye alishinda tuzo ya Favorite Buttkicker) na Chris Colfer.

Lakini tabasamu pana zaidi usiku huo liliibuka wakati wa shoo ya Justin Bieber.

Mtu pekee ambaye alikuwapo na akaachwa ni mke wa rais wa Marekani, ‘First Lady’ Michelle Obama.

Alikuwa ametulia na watoto wake wawili wa kike— kumuwakilisha Taylor Swift kwa msaada mkubwa katika tuzo hizo ambazo ni sehemu ya kazi za hisani, ili kuwavutia watoto.

Sunday, April 01, 2012