SUAREZ AINUSURU LIVERPOOL KULALA

Suarez

MSHAMBULIAJI Luis Suarez alifunga bao dakika ya 82 na kuinusuru Liverpool kuzama kwa kulazimisha sare ya 1-1 na Aston Villa leo katika Ligi Kuu ya England.

Kiungo wa Australia, Chris Herd aliifungia Villa bao la kuongoza dakika ya 10.

Liverpool imevuna pointi tisa tu katika mechi 13 mwaka 2012 na inabaki nafasi ya nane kwenye msimamo wa ligi, wakati Villa ni ya 15, ikiwa na pointi sita tu kutoka kwenye eneo la hatari la kushuka daraja.

Katika mechi nyingine, Clint Dempsey alifunga mabao mawili akiiwezesha Fulham kuichapa Bolton 3-0 kwenye Uwanja wa Reebok katika mechi ya Ligi Kuu leo.

Mshambuliaji huyo wa Marekani alifunga bao la kwanza dakika ya 25 kwa shuti la umbali wa mita 30 na linguine dakika ya 45. Mabao mawili ya Dempsey, yanamfanya afikishe mabao 15  katika Ligi Kuu msimu huu na kuvunja rekodi ya Louis Saha alipokuwa katika klabu hiyo, alifunga mabao 13 mwaka 2004.

Bao la tatu lilifungwa na Mahamadou Diarra kipindi cha pili.

Bolton inabaki nafasi ya 16, ikilindwa na pointi moja tu kuanguka kwenye eneo la hatari. Fulham inabaki nafasi ya 10.

Saturday, April 07, 2012