ROONEY AMPA WELBECK TUZO YA MWANASOKA BORA WA MSIMU MAN U MAPEMAAAA

Rooney na Danny

MSHAMBULIAJI wa Manchester United, Wayne Rooney amesema kwamba mshambuliaji pacha wake, Danny Welbeck atafaa sana kushinda tuzo ya Mchezaji Bora wa Msimu wa klabu hiyo ya Old Trafford, baada ya mchango wake mkubwa katika safu ya ushambuliaji ya timu hiyol msimu huu.

Kijana huyo wa umri wa miaka 21 amefunga mabao 10 msimu huu wa 2011/12 – ukiwa msimu wake wa kwanza kuwa na namba ya kudumu kwenye kikosi cha kwanza cha wakubwa wa timu hiyo.

Lakini si mabao hayo aliyofunga yanatukuza uwezo wake, bali ni uchezaji wake kwa ujumla United unaosaidia kampeni za ubingwa, ambao umevutia mashabiki na wachezaji wenzake kwa ujumla kikosini.

"Kuna wawania tuzo wachache [ya Mchezaji Bora wa Msimu]… lakini ningeweza kusema Welbeck," alisema Rooney.

"Kucheza mechi nyingi kwa United katika msimu wake wa kwanza wa kuwa mchezaji wa kikosi cha kwanza limekuwa jambo zuri. Amekuwa na mchecheto sana, lakini amefanya vizuri haswa na katufungia mabao fulani muhimu.

"Amepata nafasi tangu mwanzo wa msimu na ameingia na kucheza vizuri sana na kufunga mabao machache. Ni mchezaji wa kuvutia na anastahili sifa kwa jinsi anavyocheza – amecheza mechi nyingi msimu huu."

Rooney amekuwa mtu wa kwanza kumpa sapoti na ushauri pacha wake huyo katika safu ya ushambuliaji ya United, ambaye amekuwa akimuelewa na anaendelea vizuri.

"Ndio, imekuwa nzuri," alisema Wazza, alipoulizwa kuhusu pacha yao. "Anaongeza nguvu nyingi kwenye timu; anapigana kwa juhudi haswa na wakati wote mabeki wanakuwa nyuma ya miguu yake, ambayo ni babu kubwa kwangu ambayo inajipa mwanya wa kuuchukua mpira.

"Wakati wowote ana mishemishe kwenye boksi, ana kasi na ni vigumu kucheza dhidi yake.

Tuesday, April 03, 2012