MTU MKUBWA AFARIKI KATIKA SOKA YA ITALIA

Chinaglia

MWANASOKA wa zamani wa Italia na klabu za Lazio ya nchini kwao na New York Cosmos ya Marekani, Giorgio Chinaglia amefariki dunia jana (Jumapili) kwa shinikizo la damu akiwa ana umri wa miaka 65, mwanawe amesema. Chinaglia alifariki Jumapili nyumbani kwake Naples, Florida, mwanawe, Anthony, alisema kupitia rafiki wa familia hiyo, Charlie Stillitano, ambaye alikuwa mwandaaji mwenzake Chinaglia katika kpindi cha Radio cha Sirius XM.
Chinaglia alikuwa mfungaji bora wa kihistoria katika soka ya Amerika Kaskazini baada ya awali kuchezea Lazio.
Lazio pia imetangaza msiba huo. Chinaglia anaishi Marekani tan gu akutwe na hatia mjini Rome ya kujihusisha na kundi la uhalifu, ambalo lilijaribu kuinunua Lazio mwaka 2006.
Chinaglia aliisaidia Lazio kutwaa taji lake la kwanza Italia mwaka 1974 na baadaye akawa rasi wa klabu hiyo.
Mwaka 1976, alijiunga na Cosmos na alicheza pamoja na Pele na Franz Beckenbauer. Aliichezea Italia katika Fainali za Kombe la Dunia mwaka 1974.
Chinaglia alizaliwa mjini Tuscany, lakini family yake mara moja ikahamia Wales, ambako alianzia soka yake na klabu ya Swansea.
Chinaglia alirejea Italia akijiunga na klabu ndogo ya Tuscan, Massese mwaka 1966 na kutoka hapo akajiunga na Lazio mwaka 1969, ambako alifunga mabao 98 katika mechi 209.
Mashabiki wa soka Italia walimpa jina la utani, Long John kwa sababu ya kuishi kwake Wales.
New York, Chinaglia alikuwa mfungaji bora wa kihistoria katika soka ya Amerika Kaskazini kwa mabao yake 262 katika misimu minane aliyochezea Cosmos.
Alikuwa rais wa Lazio tangu 1983 hadi 1985. Tangu mwaka 2006, Chinaglia amekuwa akiendesha kipindi cha "The Football Show".

Monday, April 02, 2012