MAN UNITED SWAAAAFIIII

Valencia kushoto akishangilia na wenzake

MANCHESTER United imeifunga Blackburn Rovers mabao 2-0 na kuzidi kujiyanua kileleni mwa Ligi Kuu ya England kwa kufikisha pointi 76, ikiizidi Manchester City pointi tano.

Shukrani kwao wafungaji wa mabao hayo, yanayoisogeza United karibu na taji la ubingwa wa Ligi Kuu msimu huu, mawinga Antonio Valencia aliyefunga dakika ya 81 na Ashley Young dakika ya 86.
Kipigo hicho kinaipeleka Rovers nafasi ya tatu kutoka chini kwa pointi zake 28 baada ya mechi 31 sawa na City na United.
Dhahiri Man City sasa wana kazi ngumu kutimiza ndoto zao za kutwaa ubingwa wa Ligi Kuu, kwani United wanaonekana kuimarika siku hadi siku.
Sare isiyotarajiwa ya Jumamosi kwa City mbele ya Sunderland ya kufungana mabao 3-3 hakika imewatibulia kampeni za ubingwa.  

Tuesday, April 03, 2012