MAMBO MUHIMU KUJUA KABLA YA MECHI LA BLACKBURN NA MAN UNITED USIKU WA LEO

Rovers na United mechi iliyopita

MAKOCHA wote Steve Kean na Sir Alex Ferguson wanaweza kushusha vikosi ambavyo walishuka navyo wiki iliyopita mwishoni.

David Dunn anaweza kuwamo kwenye kikosi cha Blackburn leo Uwanja wa Ewood saa 4:00 usiku, kuziba pengo la Mauro Formica.
Junior Hoilett na Yakubu wanatarajiwa kuanza kwenye kikosi cha Kean kama washambuliaji pacha.
Javier Hernandez atachuana na Danny Welbeck kuwania nafasi kwenye kikosi cha kwanza cha Manchester United katika safu ya ushambuliaji na Paul Scholes anaweza kucheza kwenye safu ya kiungo pamoja na Ryan Giggs.
Pamoja na kupona, Nani hatarajiwi kwenye kilosi cha kwanza, labda atokee benchi baadaye, lakini Rio Ferdinand, alitolewa kwenye mechi na Fulham, yuko fiti kucheza.

JE WAJUA?

•Kikosi cha kwanza (11) cha Blackburn Rovers kimewagharimu kiasi cha pauni Milioni 17.5 kama ada ya uhamisho, wakati 11 wa kwanza wa Manchester United wana thamani ya pauni Milioni 130.

 •Mchezaji ghali kuliko wote kati yao 11 wa Rovers ni Scott Dann, ambaye aliwagharimu pauni Milioni 6 kutoka Birmingham City.

 •Timu hizo mbili zitakuwa zikikutana kwa mara ya 112 usiku wa leo, Manchester United ikiwa imeshinda mechi 50 kati ya hizo, Blackburn imeshinda mechi 32.

•Blackburn imefungwa mechi mbili tu kati ya mechi tisa zilizopita baina ya klabu hizo kwenye Uwanja wa Ewood Park.

 •Katika mechi iliyopita, Desemba 31, Rovers iliibamiza United 3-2 kwenye Uwanja wa Old Trafford. Siku nne baadaye, Mashetani Wekundu walifungwa tena na Newcastle – lakini tangu wakati huo hawajafungwa tena katika Ligi Kuu.

 •Timu hizo mbili zilimenyana kwa mara ya kwanza Septemba mwaka 1892, Blackburn ikishinda 4-3. Katika mechi saba za kwanza baina ya timu hizo, jumla ya mabao 35 yalifungwa.

 •Manchester United ina nafasi ya kupaa kileleni kwa pointi zaidi baada ya wapinzani wao katika mbio za taji Man City kutoka sare na Sunderland 3-3 Jumamosi.

 •Kama United itaweza kuendelea kuwa juu hadi itakapokutana na mpinzani wake City Aprili 30, itamaanisha watachukuliwa ubingwa kwenye Uwanja wa Etihad.

 •Antonio Valencia anazidiwa na David Silva pekee katika Ligi Kuu kwa kutoa pasi za mabao, licha ya kucheza pungufu ya mechi ya alizocheza Mspanyola huyo. Valencia ametoa pasi za mabao 11 katika mechi 19.

VIKOSI VYA LEO:

BLACKBURN ROVERS: Robinson, Lowe, Hanley, Dann, Martin Olsson, Formica, N'Zonzi, Pedersen, Marcus Olsson, Hoilett na Yakubu.
MANCHESTER UNITED: De Gea, Rafael, Ferdinand, Evans, Evra, Valencia, Carrick, Giggs, Young, Rooney na Welbeck.

Monday, April 02, 2012