DI MATTEO AWAPA MATUMAINI CHELSEA

Di Matteo

KOCHA wa muda wa Chelsea, Roberto Di Matteo anaamini chama lake sasa linaimarika taratibu baada ya kupitia kipindi kigumu katika msimu.

Kocha huyo wa The Blues anasema hayo kufuatia ushindi wa 4-2 dhidi ya Aston Villa jana, ambao unakuwa ushindi wa sita katika mechi nane tangu Di Matteo arithi mikoba ya aliyekuwa bosi wake, Andre Villas-Boas.

Chelsea sasa inazidiwa pointi mbili tu na Tottenham, wanaoshika nafasi ya nne, ambao wanacheza na Swansea leo. Chelsea pia itacheza nana Spurs katika Nusu Fainali ya Kombe la FA ikiwa inaongoza 1-0 dhidi ya Benfica baada ya Robo Fainali ya Kwanza ya Ligi ya Mabingwa Ulaya kufuatia ushindi wa awali ugenini na timu hizo zitarudiana Jumatano.

"Tunafahamu ratiba yetu ilikuwa ngumu, lakini kwetu ni nzuri tunaendelea vizuri na kwa morali. Kila mechi na ushindi vinatusaidia kuendele na tunaamini,"alisema.

Sunday, April 01, 2012