BALOTELLI ANUSURUKA KUFA AJALINI

Balotelli

MSHAMBULIAJI wa Manchester City, Mario Balotelli amenusurika kupoteza maisha katika ajali ya gari leo England.

Polisi imesema kuhusu ajali iliyohusisha gari mbili majira ya saa 9:15 kwa saa za huko katikati ya Jiji la Manchester.
Man City ilisema kwamba hakuna aliyejeruhiwa katika ajali hiyo na Balotelli, aliyekuwa akiendesha gari aina ya Bentley, hakuwa na kosa.
Kijana huyo wa umri wa miaka 21 raia wa Italia amekuwa akitawala vichwa vya habari tangu awasili England mwaka 2010 kwa ‘habari chafu’ ndani na nje ya Uwanja.
Balotelli wiki hii alikiri kuwa na uhusiano wa kipamenzi na demu ambaye aliripotiwa ‘kumpa raha’ mshambuliaji wa Manchester United, Wayne Rooney wakati mkewe ana uja uzito.
Jennifer Thompson alikuwa kama mpambe wakati yeye na changudoa mwenzake akihusishwa na Rooney mwaka 2010.
“Mario ni mdogo na mchezaji mzuri na anawindwa na magazeti yanayotafuta habari na watu wanafaidika kujihusisha naye,” alisema wakala wa Balotelli, Mino Raiola katika taarifa yake.
Kocha wa City, Roberto Mancini amelalamika Alhamisi kwamba Balotelli anasakamwa.
“Kuna watu ambao wawanafikiria mambo mabaya watu wengine, kama Mario,” alisema Mancini. “Kila wakati Mario kafanya hivi, (hii) ni kama vita.
“Kuna watu wengine ndani na nje ya Uwanja wanafanya maovu zaidi ya Mario na hakuna hata mmoja anayesema chochote juu yao kwa sababu labda wanachezea timu muhimu au hawako kama Mario.”

Friday, April 06, 2012