ADEBAYOR ATUPIA MAWILI SPURS IKIUA 3-1

Adebayor kushoto

MSHAMBULIAJI Emmanuel Adebayor alipiga mabao mawili wakati Tottenham ikiifunga Swansea 3-1 leo na kuifikia kwa pointi Arsenal katika mbio za kuwania nafasi ya kucheza Ligi ya Mabingwa Ulaya.

Mshambuliaji huyo wa Togo alifunga mabao hayo dakika za 73 na 87 na kufikisha mabao 13 na kuzima jinamizi la Spurs kutoshinda mechi tano kwenye Ligi Kuu.

Zikiwa zimebaki mechi saba, Tottenham iko nyuma ya Arsenal kwa tofauti ya mabao tu na inazizidi pointi tano dhidi ya Chelsea na Newcastle.

Kiungo wa Uholanzi, Rafael van der Vaart aliifungia Spurs bao la kuongoza kwenye Uwanja wa White Hart Lane dakika ya 19, kabla ya Gylfi Sigurdsson kusawazisha karibia dakika ya 60.

Sunday, April 01, 2012