ZIDANE KOCHA WA 5-1 REAL, AJIANDAA KUANZA KAZI RASMI

Zidane kulia

MWANASOKA bora wa zamani wa dunia, Zinedine Zidane alikuwa kwenye benchi la Real Madrid na kuiongoza timu hiyo kushinda 5-1 katika La Liga dhidi ya Real Sociedad usiku wa jana na kuonyesha kwamba anaweza kuwa bonge la kocha baadaye.

Licha ya kuwa na wadhifa mzuri tu wa Mkurugenzi wa Michezo The Blancos, nafasi ambayo amekuwa akiishikilia tangu mwaka jana baada ya kuondoka kwa Jorge Valdano, kiungo huyo wa zamani wa Ufaransa, yu tayari kufuata nyayo za kocha wa Madrid, Jose Mourinho siku moja.
"Baadaye kidogo natumaini kuingia kwenye ukocha," alisema Zidane. "Lakini bado nina muda mrefu. Sina wasiwasi, sina papara ya kuingia huko. Kwa sasa naelekeza akili yangu kwenye kusoma, hilo ndilo jambo ambalo ninataka."

Zidane aliiongoza Madrid kwa sababu Jose Mourinho alikuwa anatumikia adhabu, baada ya kutolewa nje kwenye mechi ya katikati ya wiki dhidi ya Villarreal iliyoisha kwa sare ya 1-1.

Sunday, March 25, 2012