REAL YAPUNGUZWA KASI LA LIGA, SOLDADO APIGHA TATU

Santi Cazorla

BAO la dakika ya mwisho la Santi Cazorla liliisaidia Malaga kupata sare ya 1-1 na vinara wa La Liga, Real Madrid jana.

Real imejiongezea pointi moja tu na kuwa 71 ikiwa imebakiza pointi  11 na sare hiyo inakuja baada ya kushinda mechi 11 mfululizo.

Sare hiyo inawafanya sasa waongoze ligi kwa pointi nane badala ya 10 kufuatia Barcelona kuifunga Sevilla 2-0 ugenini Jumamosi.

Karim Benzema aliifungia bao la kuongoza Real dakika ya 35.

Katika mchezo mwingine mapema jana, mshambuliaji Roberto Soldado alifunga mabao matatu peke yake Valencia ikishinda 3-0 dhidi ya Athletic Bilbao.

Ikicheza pungufu ya mchezaji mmoja, Real Mallorca iliifunga Atletico mabao 2-1 nyumbani.

Diego Godin wa Atletico alijifunga dakika ya 47, kabla ya Michael Pereira kufunga la pili dakika mbili baadaye na ndipo wakampoteza beki Ivan Ramis aliyeushika mpira dakika ya 53.

Dudu Aouate wa Mallorca aliokoa penalti ya Radamel Falcao, ingawa mshambuliaji huyo wa Colombia aliuwahi mpira na kutumbukiza nyavuni kuwapatia wageni bao la kufutia machozi dakika ya 66.

Monday, March 19, 2012