NAFASI YA KAZI NA MSHAHARA MNONO, UNAJUA MASUALA YA SOKA?

Mwenyekiti wa KRFA kulia

SIKU mbili baada ya kuchaguliwa kwa Jamal Malinzi kuwa Mwenyekiti wa Chama cha Soka Bukoba (KRFA), chama hicho kimetangaza nafasi ya kazi kwa Ofisa Tawala, ambaye wajibu wake utakuwa ni kusimamia shughuli za kila siku za chama. Akizungumza na bongostaz mchana huu, Mwenyekiti mpya wa KRFA, Malinzi alisema kwamba mwombaji anatakiwa na umri kati ya miaka 25 hadi 40 na awe na elimu ya kuanzia kiwango cha Stashahada, ingawa wenye Shahada atapewa kipaumbele.
Alisema mwombaji anatakiwa kujua kituo chake cha kazi kitakuwa Bukoba na atawajibika chini ya Katibu Mkuu.
KRFA kinakuwa chama cha kwanza cha soka cha mkoa kuajiri Ofisa Tawala katika historia ya soka ya nchi hii, jambo ambalo linaashiria chama hicho chini ya Malinzi kimepania kuleta mageuzi katika soka ya mkoa huo.

Tuesday, March 20, 2012