MAN UNITED MZIGONI LEO TRAFFORD

Rooney aliye katika kiwango cha juu, ataibeba united leo?

AKIWA hana majeruhi kikosini, Sir Alex Ferguson hana wasiwasi na leo anatarajiwa kushusha mziki mzito katika mechi na Fulham, ingawa Paul Scholes anaweza kupumzishwa katika mechi dhidi ya wapinzani wao hao wenye rekodi nzuri ya asili Uwanja wa Old Trafford.

Fulham imethibitisha mapema wiki hii wachezaji pekee wanaoweza kukosa safari ya Old Trafford wanaweza kuwa Orlando Sa, Zdenek Grygera na Steve Sidwell.
Katika wiki za karibuni wamekuwa wakicheza mfumo wa kushambulia zaidi, huku Dembele akiingia ndani na Pavel Pogrebnyak na Andrew Johnson wanasimama mbele wote.
Lakini leo dhidi ya mabingwa watetezi Uwanja wa Old Trafford, wanatarajiwa kujaza watu katika nafasi ya kiungo akina Danny Murphy na Mahamadou Diarra, na Dembele katika eneo la ushambuliaji.

JE WAJUA?

•Bao la mwisho Fulham kufunga katika Uwanja wa Old Trafford lilikuwa mwaka 2006, tena Rio Ferdinand akijifunga.

 •Manchester United imefunga penalti tisa msimu huu, ambazo ni nyingi katika Ligi Kuu.

 •Wayne Rooney amefunga mabao 16 katika mechi zake 16 zilizopita United kwenye michuano yote.

 •Rooney pia amefunga mabao matano katika mechi nne zilizopita dhidi ya Fulham Uwanja wa Old Trafford.

 •Martin Jol hajawahi kuifunga Manchester United katika Ligi Kuu akiwa kocha. Baada ya kutoa sare katika mechi zake mbili za mwanzo dhidi yao, alifungwa nyingine saba.

 •Pavel Pogrebnyak ameifunga matano Fulham katika mashuti matano yaliyokwenda sawa.

 • David Silva pekee ametoa pasi nyingi za mabao zaidi ya Antonio Valencia msimu huu, akitengeneza 12 dhidi ya 11 za winga huyo wa United.

 •Timu zote zipo kwenye kundi la timu nne zilizofunga mabao zaidi ya matano kwenye mechi moja msimu huu - United ikizifunga Arsenal 8-2 na Fulham ikiichapa QPR 6-0. Timu nyingine kwenye kundi hilo ni Arsenal na Manchester City.

 •Tangu United itoe sare ya 3-3 na Chelsea, wameshinda mechi tano mfululizo za ligi. Pamoja na hayo, katika kipindi hicho wamepoteza mechi tatu katika mashindano yote, zikiwemo mbili za Europa League.

VIKOSI VYA LEO:

MANCHESTER UNITED: De Gea, Rafael, Evans, Ferdinand, Evra, Valencia, Carrick, Giggs, Young, Welbeck na Rooney.

FULHAM: Schwarzer, Kelly, Senderos, Hangeland, Riise, Murphy, Diarra, Duff, Dempsey, Dembele na Pogrebnyak.

Monday, March 26, 2012