MAN CITY KATIKA MTIHANI MZITO HASWA

KLABU ya Manchester City kesho inaingia kwenye mechi ngumu nyumbani na Chelsea, ambao utakuwa na mtihani mgumu mno kwao kuelekea kutwaa taji la Ligi Kuu. Kipigo cha 1-0 walichokipata kutoka kwa Swansea, Machi 11 kilikifanya kikosi cha Roberto Mancini kupoteza usukani wa Ligi Kuu, iliyokuwa ikiushikiliab tangu Oktoba.
Wapinzani wao, Manchester United waliitandika 5-0 Wolves Jumapili na sasa inamaanisha City itawavaa Chelsea ikiwa inazidiwa pointi nne na mabingwa hao watetezi.
Roberto di Matteo anakwenda kuifuata City, akiwa ameiweka Chelsea nafasi ya tano na huko Eastlands atakuwa anasaka ushindi wa tano mfululizo tangu arithi mikoba ya Andre Villas-Boas alitwefukuzwa.
Fernando Torres amezinduka baada ya kufunga mabao mawili katika ushindi wa 5-2 dhidi ya Leicester Jumapili na kumaliza ukame wa mabao.
Kipa wa Chelsea, Petr Cech, alisema anatarajia Torres atafufua makali karibuni.
John Terry, Frank Lampard, David Luiz, Ashley Cole, Michael Essien na Ramires wote wanatarajiwa kwenye kikosi cha kwanza.

Tuesday, March 20, 2012