JOHN TERRY ARUDI KAZINI, DI MATTEO ATAMBA ANA KIKOSI CHA USHINDI

John Terry

NAHODHA wa Chelsea, John Terry anatarajiwa kurejea kazini leo kuiongoza timu yake katika mechi dhidi ya Stoke City, baada ya kukosekana kwa wiki sita zilizopita kutokana na kufanyiwa upasuaji.

Terry, ambaye hajacheza tangu Januari 28, alimaliza dakikia zote za mchezo akiwa benchi katikati ya wiki, Chelsea ikiitoa Birmingham City katika mechi ya marudio ya Kombe la FA.

“Amefanya mazoezi vizuri baada ya Jumanne na yupo sawa,”alisema Kocha wa Muda wa Chelsea, Roberto Di Matteo jana.

“Ni nzuri kwa timu, kwa sababu ni kiongozi wetu na mchezaji muhimu."

Di Matteo alisema ana kikosi cha kamili cha ushindi kwa mara ya pili tu msimu huu, wakiwemo beki wa kushoto Ashley Cole, aliyekosa mechi ya Jumanne kwa sababu ya maumivu ya kifundo cha mguu.

Saturday, March 10, 2012