THE GUNNERS KAZINI KESHO

Van Persie

WASHIKA Bunduki wa Emirates, Arsenal kesho watajaribu kuendelea kupigania nafasi ya tatu kwa kuendeleza wimbi lake la ushindi watakapomenyana na Everton. Nafasi ya The Gunners kucheza Ligi ya Mabingwa msimu ujao, ilionekana kuwa ngumu mwanazoni mwa msimu lakini kushinda kwao mechi nne mfululizo, umewafanya wabaki wanazidiwa pointi moja tu na Tottenham na tatu na Chelsea.
Mechi zote nne zilizopita, Arsenal ilishinda dhidi ya timu zenye majina makubwa kama Tottenham, Liverpool na Newcastle na AC Milan ya Italia katika Ligi ya Mabingwa.
Arsenal inatarajiwa kuendelea kumtegemea Robin van Persie, katika safu ya ushambuliaji, Mholanzi ambaye anaweza kucheza katikati ya Muingereza Theo Walcott na Gervinho wa the Ivory Coast.
Kinda Alex Oxlade-Chamberlain pia anatarajiwa kuanza na Tomas Rosicky, nyota wa Jamhuri ya Czech amekuwa katika kiwango kizuri mno siku za karibuni.
Abou Diaby na Francis Coquelin hawatarajiwi kucheza kwa sababu ya majeruhi yanayowasumbua na Per Mertesacker, Emmanuel Frimpong na Jack Wilshere bado wana mujda mrefu wa kuwa nje.

Tuesday, March 20, 2012