ESPANYOL YAITANDIKA 3-1

KLABU ya Espanyol ilitoka nyuma na kuwafunga Racing Santander waliokuwa pungufu ya mchezaji mmoja mabao 3-1 katika mechi ya Ligi Kuu ya Hispanian jana hivyo kubaki kwenye nafasi ya kuwania kucheza Ligi ya Mabingwa. Christian Stuani aliifungia Santander bao la kuongoza dakika ya 12, lakini Joan Verdu akaunganisha pasi ya Sergio Garcia kusawazisha dakika ya 26.
Mshambuliaji anayecheza kwa mkopo kutoka Inter Milan, Philippe Coutinho aliifungia dakika saba baadaye Espanyol na Hector Moreno akakamilisha matokeo ya 3-1 kwa bao la kichwa akiunganisha mpira wa adhabu wa Coutinho dakika ya 80.
Marcos Gullon alionyeshwa kadi ya pili ya njano dakika ya 51 na kuiacha Santander na wachezaji 10.

Tuesday, March 20, 2012