CISSE ATUPIA MBILI, NEWCASTLE IKIUA 3-1

Demba Cisse

MABAO mawili ya Papiss Demba Cisse yalichangia ushindi wa 3-1 kwa Newcastle dhidi ya West Bromwich Albion jana, hivyo kujidhatiti katika mawindo yake ya Nne Bora kwenye Ligi Kuu ya England.

Tottenham bado ipo nafasi ya nne kwa pointi tano zaidi, lakini haijashinda hata mechi katika mechi zake tano zilizopita, jambo ambalo linaipa matumaini Newcastle wanaweza kuwapiku wapinzani wao hao kwenye kuwania nafasi ya kucheza Ligi ya Mabingwa.
Cisse amekuwa akipiga mzigo wa uhakika tangu ajiunge na Newcastle Januari akitokea Freiburg ya Ujerumani akiwa amefunga mabao matano hadi sasa katika mechi sita za ligi akisuka safu kali ya ushambuliaji na Msenegali mwenzake, Demba Ba.
Krosi ya Ben Arfa aliyeng’ara ile mbaya kwenye mechi hiyo, dakika ya sita, iliunganishwa nyavuni na Cisse.
Cisse naye alimpa pasi nzuri Ben Arfa baada ya shambulizi la kushitukiza akafunga la pili.
Cisse baadaye akafunga mwenyewe tena kwa pasi nzuri ya Ben Arfa. Long aliifungia WBA la kufutia machozi.
Hata hivyo, Cisse alibebwa kwenye machela dakika ya 79 na kutolewa nje baada ya kuumia.

Monday, March 26, 2012