CHINA WATENGA DAU KUFURU KUMNASA CAPELLO

Capello

ALIYEKUWA kocha wa England, Fabio Capello amepewa bonge la ofa la kazi lenye maslahi mazuri kuifundisha timu ya taifa ya China, bongostaz imeipata hiyo.

Amepewa ofa ya mkataba wa miaka miwili wenye thamani ya dola za Kimarekani Milioni 8 kwa mwaka kufundisha timu ya wakubwa na mtandao wa soka ya vijana China.

bongostaz imezinasa za ndani zaidi kwamba Capello amekubali kufanya kazi, ila tu kama Msaidizi wake atakuwa Franco Baldini, Menejua Mkuu wa Roma, ambaye alikuwa naye Real Madrid na England.

Hata hivyo, Baldini amemuambia kocha huyo mwenye umri wa miaka 65 kwamba atabakia Roma, aliyojiunga nayo Oktoba mwaka jana, hadi mwishoni mwa msimu ndipo ataamua.

Chama cha Soka China kimeonyesha kipo tayari kumsubiri Capello hadi mwishoni mwa msimu.

Kocha mwingine mwenye mafanikio Italia, aliyeipa Italia Kombe la Dunia mwaka 2006, Marcello Lippi pia amekuwa akitajwa kutakiwa na China.

Inafahamika kwamba Lippi, ambaye pia hyena timu kwa sasa, anataka kusubiri kuona ataopata wapi kazi katika timu za taifa za Ulaya baada ya Euro 2012, kabla ya kujitia kitanzi na FA ya China.

Saturday, March 17, 2012