AC MILAN MGUU SAWA SERIE A

Wachezaji wa AC Milan wakimpongeza Ibra

AC Milan ilipiga hatua kubwa katika kulikimbilia taji la Serie A kwa kutoka nyuma na kushinda 2-1 dhidi ya Roma kwenye Uwanja wa San Siro usiku wa jana.

Pablo Osvaldo alifunga la kuongoza kipindi cha kwanza, lakini The Rossoneri wakajibu kwa mabao mawili ya Zlatan Ibrahimovic kipindi cha pili hivyo timu ya Massimiliano Allegri imebeba pointi tatu muhimu, kuelekea kwenye Robo Fainali ya kwanza ya Ligi ya Mabingwa dhidi ya Barcelona.
Kwa ushindi huo, AC Milan imefikisha pointi 63 ikining’inia kileleni mwa msimamo wa Serie A, wakati Roma iko nafasi ya sita kwa pointi zake 45.
The Rossoneri watakuwa wenyeji wa Barcelona Jumatano, kabla ya wao pia kwenda Camp Nou wiki ijayo, wakati Giallorossi watakuwa wenyeji wa Novara.

Sunday, March 25, 2012