ARSENAL YADAIWA 5-0 EMIRATES IFUZU ROBO FAINALI ULAYA

ARSENAL ilibebeshwa deni zito usikuwa wa jana na AC Milan ya Italia, baada ya kupigwa mabao 2-0 katika mechi ya kwanza, hatua ya 16 Bora Ligi ya Mabingwa Ulaya.

The Gunners hawakuwa na lao tangu Kevin-Prince Boateng alipoiwezesha Milan kupata bao la kuongoza.

Mchezaji wa zamani wa Manchester City, Robinho, aliongezea bao la pili kwa kichwa, na kuongezea na la tatu, kuihakikishia timu yake ilikuwa na uhakika wa kupata ushindi.

Zlatan Ibrahimovic alikamilisha kibarua kwa kuandikisha bao la nne la penalti, na wakati huohuo akiandikisha historia kwa upande wa Arsenal, ikiwa ndio matokeo mabovu zaidi ya Arsenal kufungwa kwa mabao mengi kiasi hicho katika pambano la Ulaya.

Miaka minne iliyopita, Arsenal ilikuwa ni timu ya kwanza ya England kuifunga AC Milan nyumbani, Uwanja wa San Siro, wakati ilipopata ushindi wa magoli 2-0 katika mechi ya marudiano na kuitoa timu hiyo katika hatua ya 16 Bora ya Ligi ya Mabingwa.

Arsenal ya wakati huo ilikuwa tofauti kabisa na timu iliyoshiriki katika mchezo wa Jumatano jioni. Mwaka 2008 Arsenal ilikuwa na uhodari mkuwa wa ulinzi, na ilicheza kwa ustadi na ikawa ni burudani kwa mashabiki wengi, kinyume na Arsenal ilivyopambana katika mechi hiyo ya San Siro.

Mshambulizi Robin van Persie amekuwa ni nyota msimu huu, lakini katika uwanja wa San Siro, inaelekea alikuwa zaidi ni abiria, na mkwaju wake uliokuwa na matumaini katika kipindi cha pili ukizuiwa na Christian Abbiati, na hata nguvu mpya za Thierry Henry alipoingia uwanjani baadaye hazikubadilisha lolote.

Bila shaka akiwa katika ndege kuelekea New York, Henry atawaza ni kwa nini aliamua kuichezea tena Arsenal.Meneja wa Arsenal alikuwa na matumaini kwamba Henry angelibadilisha mambo alipoingia katika kipindi cha pili, lakini hata kabla ya kuupata mpira, Milan tayari walikuwa wameandikisha bao la tatu.

Wenger atawaza pia juu ya umuhimu wa kufuzu kushirikishwa katika mechi za klabu bingwa, halafu kupigwa mabao mengi kiasi hicho.

MATOKEO KAMILI MECHI ZA KWANZA 16 BORA ULAYA:

Februari 15, 2012
AC Milan 4 - 0 Arsenal

Zenit St Petersburg 3 - 2 Benfica
Februari 14, 2012
Lyon 1 - 0 Apoel Nicosia
Bayer Leverkusen 1 - 3 Barcelona

Thursday, February 16, 2012