UONGOZI WA BAO WAOMBA RAIS SAMIA AMSAIDIE MATIBABU RAIS WAO

UONGOZI wa Shirikisho la Mchezo wa Bao Tanzania (SHIMBATA) umemuomba Rais wa Jamhuri ya Muungano wa Tanzania Dk Samia Suluhu Hassan  kumsaidia gharama za matibabu Rais wa Shirikisho hilo Monday Likwepa.
Ombi hilo limetolewa  Leo  na mjumbe wa SHIMBATA Sheikh Rashid Kayumbo wakati akizungumza na waandishi wa Habari Jijini Dar es Salaam.
Alisema kuwa  msaada huo ni gharama za kusaidiwa matibabu ya ndani na nje ya nchini  ambapo kwa sasa yupo  kitengo cha moyo Jakaya Kikwete katika Hospitali ya Taifa ya Muhimbili .
" Huyu ndiye mtanzania pekee aliyeshikiria ndoto, maono  na kiu ya Hayati  mwl Julius Nyerere kuhakikisha  kwamba mchezo  wa bao unafanikio na kuwa  katika orodha  ya michezo  mikubwa  kimataifa Duniani kote," alisema Kayumbo.
Alisema kuwa  maono hayo ni pamoja na kuuenzi mchezo wa bao sambamba na kutaka kufanya uwe katika orodha  ya utamaduni Bora kimataifa.
Aliongeza kuwa  Kwa jitihada zake binafsi  amefanikiwa kwenda kuipeperusha  ya Tanzania  kimataifa  iliyofanyika Septemba mwaka huu  Kazakstani.
"Mimi naweza  kusimama Kam shujaa na mzalendo wa kweli  Kwa sababu nilisimama na kila hatua  nilitoa ushirikiano  na tukafanikiea  vyema kuitangaza vyema nchini ," aliongeza .

Friday, December 27, 2024