SIMBA QUEENS YAICHAPA YANGA PRINCESS 1-0 MWENGE

TIMU ya Simba Queens imeibuka na ushindi wa 1-0 dhidi ya watani wao, Yanga Princess katika mchezo wa Ligi Kuu ya Wanawake Tanzania Bara jioni ya leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam.
Ni bao la kujifunga la beki Mzimbabwe Danai Bhobho dhidi ya timu yake ya zamani dakika ya 48 lililoipa Simba Queens ushindi dhidi ya Yanga Princess.
Kwa ushindi huo, Simba Queens inayofundishwa na Kocha Mghana, Yusif Basigi inafikisha pointi 12 na kuendelea kuongoza ligi, wakati Yanga Princess ya kocha mzawa, Edna Lema ‘Mourinho’ inafikisha michezo minne bila ushindi, ikibaki na pointi zake tafu ilizookoteza kwenye sare tatu za mechi zake zilizotangulia.

Wednesday, November 13, 2024