BACCA AFUNGA BAO PEKEE YANGA YAICHAPA KEN GOLD 1-0 SOKOINE

BAO pekee la beki brahim Abdallah Hamad 'Bacca' dakika ya 13 limewapa mabingwa watetezi, Yanga SC ushindi wa 1-0 dhidi ya wenyeji, Ken Gold katika mchezo wa Ligi Kuu ya NBC Tanzania Bara Uwanja wa Sokoine Jijini Mbeya.
Bacca alifunga bao hilo kwa kichwa akimalizia mpira wa adhabu uliopigwa na kiungo mshambuliaji wa Kimataifa wa Burkina Faso, Stephane Aziz Ki kutoka upande wa kulia wa Uwanja kufuatia kiungo Mkenya, Duke Abuya kuchezewa rafu.
Huo unakuwa ushindi wa pili kwa Yanga katika mechi za mwanzo wa msimu ilizocheza, kufuatia ushindi wa awali wa 2-0 dhidi ya Kagera Sugar kwenye mchezo wa kwanza ugenini pia, wakati kwa Ken Gold iliyopanda Ligi Kuu msimu huu wanafikisha mechi tano bila ushindi, wakifungwa zote.

Wednesday, September 25, 2024